Liv.52, përgjigje mjekësore ndaj një bote toksike

/in /by

Ti e do mëlçinë, apo jo? Kujdesi ndaj mëlçisë është thelbësore për shëndetin tuaj. Pra, nëse jeni duke kërkuar për një pastrim rrënjësor të mëlçisë dhe detoks pa përmbajtje të Silimarinës, ktheni sytë tek produkti më i besuar, më i shitur & testuar klinikisht i Himalaya; Liv.52 – mbi 60 vjet histori me qindra studime klinike në njerëz, studime të botuara në revista mjekësore ndërkombëtare, një testament ndër vite për fuqinë dhe potencialin e tij. Mbroni qelizat, enzimat hepatike dhe përmirësoni performancën e mëlçisë & detoksin e përditshëm në të njëjtën kohë!

Pse kam nevojë për Liv.52?
Pavarësisht sa e përzgjedhur mund të jetë dieta ushqimore, ambienti është e pamundur të shmangim pesticidet, kimikatet, ndotësit. Shëndeti dhe rigjenerimi normal i mëlçisë janë thelbësore për mbarëvajtjen e shëndetit në tërësi. Mëlçia punon intensivisht për të filtruar toksinat e dëmshme dhe për të ndërtuar lëndë ushqyese për mbijetesën e organizmit. Studimet klinike të Liv.52 mbështesin funksionet qelizore të mëlçisë, dhe ruajnë nivelet enzimatike të specializuara që nevojiten për të ndihmuar mëlçinë të kryejë më shumë se 500 funksione të ndryshme, duke përfshirë pastrimin dhe detoksin (ndryshe nga produktet me Silimarinë që shfaqin vetëm efektin antioksidant). Mëlçia punon intensivisht. Gjej mënyrën e shpejtë, të lehtë dhe të përshtatshme për ta mbështetur atë çdo ditë me Liv.52.

Rreth 300 kërkime & teste klinike në 6 dekada mbi formulën e Liv.52, dhe pothuajse në të gjitha konfirmohet siguria dhe efikasiteti i tij. Liv.52 është një formulë fitoterapeutike, e studiuar gjerësisht që detoksifikon mëlçinë nga agjentë të ndryshëm potencialë; ku përfshihen alkooli, toksinat mjedisore, toksinat nga barnat dhe ushqimet.

 

  • Çikorja e egër (Cichorium intybus)

Çikorja mbron heparin nga alkooli, ka veti të fuqishme antioksidante e cila duket tek aftësia e eliminimit të radikaleve të lira. Çikorja ka shumë veti mjekësore, por po përmendim prodhimin e lëngut biliar; lëng me ngjyrë jeshil në të verdhë që ka rol të rëndësishëm në alkanizimin & tretjen e yndyrnave në zorrën e hollë.

  • Arjuna (Terminalia arjuna)

Terminalia arjuna është përdorur ndër shekuj për efektet e saj në sistemin kardiovaskular. Arjuna normalizon nivelet e kolesterolit e ndihmuar dhe nga dieta e përshtatshme. Normalizon ritmin kardiak, qetëson në rastet stresuese dhe përmirëson funksionet detoksifikuese të mëlçisë.

  • Capparis spinosa

Capparis spinosa përmban p-metoksi benzoik acid që është hepatoprotektor i fuqishëm. Eshtë inhibitor i niveleve enzimatike ALT dhe AST dhe përmirëson funksionet hepatike dhe ato të shpretkës. Përmirëson oreksin. Flavonoidet e pranishme janë antioksidantë të fuqishëm.

  • Njëmijëfletshi (Achillea millefolium)

Achillea millefolium ose Njëmijëfletshi ka lidhje me figurën mitologjike të Akilit, që e përdorte për shërimin e plagëve tek ushtarët e tij. Njëmijëfletshi përmirëson funksionet gastro-intestinale, qarkullimin e gjakut si dhe ruan në vlera normale presionin e gjakut.

Kliko  për më tepër rreth LIV.52

Tre arsye pse ndeshni në rash kutan gjatë dhe pas shtatzanisë

/in /by

Shtatzënia sjell shumë ndryshime në trupin tuaj. Një nga dukuritë më të shpeshta gjatë shtatzënisë është rash apo skuqja e lëkurës. Kjo gjendje e lëkurës manifestohet gjatë shtatzënisë dhe mund të vazhdojë edhe pas lindjes së fëmijës. Shpesh shfaqet në formën e lëkurës me krusta, me të kruara që mund të enjten dhe skuqen. Rash nuk është i dëmshëm për fëmijën apo për ju në periudha afatgjata, por është një situatë e pakëndshme. Ja disa nga arsyet e rashit kutan gjatë dhe pas shtatzanisë;

Stresi

Për një nënë të re, stresi është një fenomen i njohur, kjo theksohet më tepër pas fëmijës së parë. Mungesa e gjumit, gjidhënia e vazhdueshme dhe ndryshimet hormonale janë disa nga faktorët që mund të bëjnë që një nënë e re të ndihet e mbingarkuar. Stresi mund të çojë në rritjen e nivelit të hormoneve që mund të shkaktojnë çrregullime të lëkurës. Për të reduktuar stresin, angazhohuni në aktivitete që qetësojnë aktivitetin mendor. Për shembull, qetësoni veten me masazhe pas lindjes, flini mjaftueshëm, ushqehuni mirë.

Neglizhenca ndaj kujdesit të lëkurës

Nënat e reja i anashkalojnë nevojat për kujdesin e lëkurës. Gjatë dhe pas shtatzënisë, lëkura juaj është e ndjeshme ndaj skuqjes, çarjeve dhe thatësisë. Përdorni produkte me ekstrakte bimore për të hidratuar, zbutur dhe shëruar lëkurën tuaj. Përzgjidhni produkte natyrale dhe sigurohuni që zgjedhja juaj është të jetë e sigurt dhe e përshtatshme për ju dhe fëmijën tuaj.

Dehidrimi

Kapaciteti i lëkurës për të mos humbur ujin zvogëlohet në periudhën pas lindjes. Lëkura juaj mund të bëhet e thatë, e ashpër dhe jo e plotë, që mund të çojë në shfaqjen e rasheve në lëkurë. Ndërsa merreni me axhendën e mbingarkuar të nënës, ju mund të harroni të pini ujë mjaftueshëm. Pini të paktën 2 litra lëngje çdo ditë për të qëndruar të hidratuar dhe mendoni të hidratoni rregullisht me kremra apo locione të përshtatshëm lëkurën tuaj.

Kontakti lëkurë-lëkurë është një mënyrë e mrekullueshme për t’u lidhur me bebin, për t’a shtendosur dhe qetësuar atë. Eshtë terapia relaksuese më e mirë gjatë muajve të parë të jetës. Gëzoni këto momente të veçanta dhe të paharrueshme duke u kujdesur intensivisht për lëkurën tuaj dhe të bebit.

Debati tek profesionistët e shëndetit dentar. Opinioni Pro & Kundër Fluorit në Pastat e Dhëmbëve 

/in /by

Ndërsa të gjithë profesionistët e shëndetit dentar pajtohen që pastrimi i dhëmbëve të paktën dy herë në ditë është thelbësore, kur flasim për zgjedhjen e pastës së dhëmbëve debati rreth kësaj teme është paksa kontradiktor.

Cila është pikënisja e këtij debati? Ka të bëjë me ingredientin Fluor, mineral që gjendet në formulimet e pastave të dhëmbëve.

Nga njëra anë, dentistët në përgjithësi e konsiderojnë fluorin si ingredient që shmang kariesin dentar. Nga ana tjetër, një grup dentistësh kanë ngritur shqetësime rreth neurotoksicitetit të mundshëm të fluorit në ujë të pijshëm dhe pastat e dhëmbëve. Dhe sikur kjo të mos mjaftonte, një nga revistat më serioze mjekësore “Lancet” e përcaktoi mineralin si neurotoksinë në vitin 2014. Pas kësaj, zyrtarët e shëndetësisë – për herë të parë në më shumë se 50 vjet – këshilluan qeveritë lokale që të ulnin sasinë e fluorit në furnizimin me ujë të pijshëm pas verifikimit të rasteve të hiperfluorizimit dentar sidomos në SHBA dhe Zelanda e Re ku fluorizimi i ujit praktikohet ende.

Kështu që çfarë paste duhet të zgjedhim? Më poshtë do të renditen dy opinione pro dhe kundër rreth fluorit në pastat e dhëmbëve nga dy profesionistë të njohur të Mjekësisë Dentare.

Opinioni Pro Fluorit në Pastat e Dhëmbëve 

Dentisti i New Jersey-it, Alexander Rubinov, DDS, është plotësisht përkrahës i fluorit kur bëhet fjalë për aplikimet sipërfaqësore të pastave të dhëmbëve. Fluori absorbohet nga smalti i dhëmbëve, shpjegon ai, dhe ndihmon duke riparuar dhe rivendosur mineralet e humbura. Me fjalë të tjera, në të vërtetë fluori mund të ndihmojë në ruajtjen e dhëmbëve të fortë.

Dr. Rubinov është plotësisht dakort se fluori mund të jetë i rrezikshëm në sasi të konsiderueshme. “Unë nuk mund të dal kundër të gjitha kërkimeve shkencore që konfirmojnë se fluori në sasi të caktuara është toksik,” thekson ai. Por gëlltitja e fluorit nuk rekomandohet në mënyrë absolute dhe kjo supozohet se dihet nga moshat e rritura. Sipas Dr. Rubinov, nëse mbahet një higjienë e duhur dentare-konsum i lartë i ujit, shmangia e pijeve me sheqer, përdorimi i fillit dentar dhe furçës përditë-kështu pak rëndëndësi ka nëse përdor pasta me fluor ose jo. Më tej ai pohon, “Kjo vlen më tepër për individët që nuk pajtohen me praktikat e mira të shëndetit oral.” Me fjalë të tjera; një higjienë dentare e duhur dhe nuk kemi pse shqetësohemi për fluorin.

Opinioni Kundër Fluorit në Pastat e Dhëmbëve

Rreth 15 vjet më pare, Bruno Sharp, DDS i gjeneratës së katërt që ushtron aktivitetin në Florida, hodhi dyshime mbi ingredientin e “shkollës së vjetër”, fluorit. Dhe gjeti plot detaje alarmuese.

Sipas Dr. Sharp, “Efektet e fluorit nuk janë ditur nga shumë dentistë, kështu që shumë dentistë akoma besojnë se fluori ka efekte pozitive. Por, fluori është një neurotoksinë potenciale që dëmton performancën konjitive, dhe akumulohet në trup me kalimin e kohës.”  Vlen të theksohet se një nga nga grupet mjekësore më të besueshme si Mayo Clinic ka paralajmëruar për efektet anësore të fluorurit të natriumit, megjithatë ata shtojnë se administrimi si suplement apo nga uji i fluorit në përgjithësi nuk shkakton efekte anësore. Megjithatë, Agjensia Amerikane e Mbrojtjes së Mjedisit ka evidentuar raste se fëmijët janë ekspozuar më shumë se ç’duhet ndaj fluorit.

Për këtë arsye Dr. Sharp nuk është i bindur nga shkenca që përkrah efikasitetin e fluorit si alternativë e domosdoshme në trajtimin e kariesit dentar. Ai pohon se pacientët me kancer oral që i nënshtrohen radiacionit kanë përfitime nga fluori. Përpos kësaj, ai është i bindur se kjo nuk është një arsye e fortë që fluori të jetë në pastat e dhëmbëve.

Këto janë opinionet pro dhe kundër të dy profesionistëve rreth përdorimit ose jo të fluorit në pastat e dhëmbëve. Po Ju a jeni dakort me opinionet e tyre?

Himalaya Herbals ofron një game të gjerë të pastave të dhëmbëve. Gama e pastave të dhëmbëve Himalaya është krijuar jo vetëm për përkujdesjen e dhëmbëve, por edhe për kujdesin e gingivave. Të gjitha pastat e dhëmbëve krahas benefiteve të shumta në higjenën orale, janë formuluar në veçanti për kujdesin dhe forcimin e gingivave. 100% natyrale, pa parabene.

Qarkullimi i dobët i gjakut, simptomat & ndikimi i gjendjeve shëndetësore

/in /by

Qarkullimi i dobët i gjakut mund të shkaktohet nga disa gjendje shëndetësore, të tilla si diabeti, ateroskleroza, insufiçenca venoze etj. Simptomat e qarkullimit të dobët mund të jenë shenjë e një problemi të rëndë mjekësor dhe nuk duhet të injorohet.

Simptomat e qarkullimit të dobët të gjakut varen nga nga gjendja shëndetësore, por më së shumti përfshijnë:

  • Ngërçe në këmbë dhe shputa, zakonisht gjatë ushtrimeve fizike
  • Puls i ngadaltë në kyçet e duarve apo këmbëve
  • Gjendje jo e rehatshme, dhimbje apo ndjesia e pickimeve në këmbë
  • Inflamacion i lëkurës dhe indit lidhor tek këmbët
  • Humbja e qimeve në pjesën e këmbëve
  • Plagë (ulçera) në këmbë që shërohen me ngadalë
  • Enjtja e shputave dhe këmbëve
  • Ngjyrë e pazakontë e këmbëve apo shputave
  • Temperaturë e pazakontë në pjesën e këmbëve

Gjendjet shëndetësore që ndikojnë në qarkullimin e dobët të gjakut janë:

  • Diabeti: bën që vazat e gjakut tek këmbët të ngushtohen dhe të humbasin elasticitetin, veçanërisht kur diabeti nuk kontrollohet
  • Ateroskleroza, ku përfshihet dhe sëmundja periferike e arterieve: pllakat aterosklerotike me përmbajtje të yndyrnave dhe kolesterolit grumbullohen në muret e arterieve, duke ngushtuar dhe reduktuar qarkullimin e gjakut
  • Insufiçenca venoze kronike apo vena varikoze: dëmtimet e valvulave të venave shkaktojnë krijimin e xhepave me gjak venoz tek këmbët
  • Obeziteti: akumulimi i masës dhjamore në trup rrit riskun e diabetit dhe aterosklerozës, si dhe sforcon zemrën të pompojë gjak
  • Sindroma Reinaud: shkakton ngushtimin e arterieve ne ekstremitete që do të thotë qarkullimi i gjakut pakësohet në këmbë dhe duar

Gjej qetësi me Pilex tableta, efikas në trajtimin e hemorroideve interne apo eksterne, si dhe në venat varikoze. Fito elasticitetin e këmbëve me Pilex, formulë me shumë bimë mjekësore që përmirëson qarkullimin e gjakut, tonifikon venat & ndihmon drenazhin e gjakut venoz; shfaq efekt anti-inflamator të fuqishëm duke lehtësuar enjtjen e tyre.

Pesticide në prodhimin e fruta-perimeve, hormone në qumësht, antibiotikë në mish – a jemi të sigurtë?

/in /by

Pesticide në prodhimin e fruta-perimeve, hormone në qumësht, antibiotikë në mish – çfarë roli kanë gjithë këta përbërës shtesë në ushqimin tonë?

Përmirësimi i teknikave të testimit bëjnë të mundur që kërkuesit të detektojnë dhe monitorojnë praninë e disa përbërësve kimikë shqetësuese në ushqim, si dhe në trupin tonë. Megjithëse sasitë janë të vogla dhe ka kontradikta nëse janë apo jo të dëmshme, prezenca e tyre është shqetësuese, sidomos tek prindërit me fëmijë të vegjël.

Cilat janë efektet negative mbi shëndetin tonë të këtyre përbërësve?

Injektimi i hormoneve në gjënë e gjallë, i bën këto të shtojnë peshë më shpejt. Sa më shumë peshë, aq më shumë mish, më shumë përfitime. Gjithashtu hormonet rrisin sasinë e prodhimit të qumështit.

Hormonet janë përdorur me dekada nga industria e mishit, qumështit dhe produktet e konsumit të përditshëm. Estrogjeni sintetik dhe testosteroni kanë përdorim më të shpeshtë.

Ka një lidhje shqetësuese mes këtyre përbërësve dhe shëndetit. Përmendim risqet e kancerit të gjirit rriten me ekspozimin ndaj estrogjenit gjatë jetës. Këto fakte ngrenë një pikëpyetje se a është i sigurtë përdorimi i estrogjenit sintetik në gjënë e gjallë.

Një tjetër hormon për gjedhët apo hormoni i rritjes i rikombinuar (rBGH) rrit prodhimin e qumështit. Edhe pse cilësohet i sigurtë, disa pohojnë se hormoni rBGH rrit nivelin e përbërësve kimikë në trupin tonë të cilët mund të shkaktojnë kancer. Bashkimi Europian ka ndaluar importin e mishit me hormone. Japonia, Kanadaja, Austarlia, Zelanda e Re dhe BE kanë ndaluar produktet e trajtuara me rBGH.

Po në Shqipëri a ndodh kjo? Sa është niveli i lejuar? A jemi të sigurtë?

Mishi i trajtuar me hormone dyshohet se ka lidhje me pubertetin e parakohshëm tek fëmijët. Një studim i vitit 2009 zbuloi se fëmijët që konsumonin më shumë proteina shtazore hynë në pubertet rreth shtatë muaj më shpejt se ata që konsumonin më pak. “Nuk ka rëndësi nëse është qumësht, djathë apo mish – të gjitha këto proteina shtazore kanë një ndikim domethënës në sistemin tonë IGF,” sipas Thomas Remer, Ph.D., një nga autorët e studimit në fjalë në Gjermani.

Fermerët bashkë me ushqimin e kafshëve aplikojnë përditë antibiotikë në doza të vogla të për bagëtinë e tyre. Këtë nuk e bëjnë që të parandalojnë të sëmuren, por të shtojnë sa më shumë në peshë.

Por shumë mjekë dhe studiues kanë hedhur dyshime se kjo praktikë po kontribuon në rritjen e shtameve rezistente ndaj antibiotikëve, duke paraqitur një rrezik serioz për shëndetin tonë.

Nuk ka mundësi të zbulohet lehtë nëse produktet e mishit janë të trajtuara me antibiotikë ose jo. Tetraciklina, Ciprofloksacina, Kloramfenikoli përdoren rëndom edhe në Shqipëri tek shpesët.

Fermerët përdorin pesticide në kultivimin e frutave dhe perimeve. Përcaktimi i kufijve se sa mbetje të pesticideve duhet të ketë në ushqim vlerësohet nga EPA; një proces kompleks që nuk është i lehtë për t’u zbërthyer. Frutat dhe perimet që kanë ngarkesën më të lartë me pesticide janë:

  • Pjeshka
  • Molla
  • Domate
  • Qershia
  • Luleshtrydhja
  • Rrushi
  • Spinaqi
  • Patatja etj

Ndërsa frutat dhe perimet me ngarkesën e pesticideve më të ulët janë:

  • Avokado
  • Ananasi
  • Asparagus
  • Mango
  • Banane
  • Brokoli
  • Papaya etj

Por si e mbron Ti veten nga toksinat & kimikatet e tyre?! Bëje mëlçinë të buzëqeshë përsëri; DETOX trupin nga lëndët e dëmshme të barnave, ushqimeve apo alkoolit me Liv.52-që prej 1955. Bimët mjekësore tek formula e Liv.52; çikorja, njëmijëfletëshi, arjuna, capparis mbrojnë organizmin & përmirësojnë funksionet e tij. http://liv52.al/

Si të zgjidhni produktet e Kujdesit ndaj Lëkurës të bebit tuaj

/in /by

Çdo nënë s’do asgjë tjetër veç më të mirën për kujdesin e fëmijës së saj. Mund të duket paksa e vështirë për të përzgjedhur produktet e duhura për bebin përderisa ju nuk e dini kush funksionon më mirë për ta. Dhe ndërsa kërkesat e bebit ndryshojnë vazhdimisht gjatë rritjes, edhe një vendim i thjeshtë për të përzgjedhur produktin e duhur mund të ngjajë i vështirë.

Në muajt e parë të jetës lëkura delikate e bebit humbet ujë me ritme të shpejta. Për të bllokuar dehidratimin e saj  lëkura e bebit kërkon kremra dhe locione, shampoo dhe pastrues të tjerë që nuk janë agresive mbi lëkurën e tij. Të kujdesesh për të voglin tënd, do të thotë t’u kushtosh vëmendje edhe detajeve të vogla. Të jesh i informuar është hapi i parë domethënës për të bërë zgjedhjen e produktit të duhur për bebin tuaj.

Shumë produkte të Kujdesit për Fëmijë përmbajnë ingredientë të dëmshëm për lëkurën delikate të bebit. Mënyra më e sigurtë dhe më e mire është të drejtohesh drejt produkteve natyrale. Herës tjetër që do zgjedhësh një produkt për bebin, sigurohu që të shohësh në etiketë ingredientë natyralë si:

  • Aloe vera; bimë e mrekullueshme që përmban 96% ujë dhe Vitamina A, B, C dhe E. Xheli i Aloe vera përmban veti anti-inflamatore, antimykotike, dhe freskuese. Efikas në trajtimin e ekzemave dhe ndërlikimet e lëkurës së thatë.
  • Vaj Sezami; ingredienti më popullor në vajin për masazh. Vaj Sezami ka veti absorbuese dhe antibakteriale, ideale për lëkurë sensitive.
  • Khus-Khus apo Vetiver; Khus-Khus ka veti qetësuese, antibakteriale, antimykotike dhe absorbuese që freskojnë dhe ruajnë lëkurën.
  • Vaj Bajame; burim i pasur me Vitaminë E që ushqen lëkurën. Vaj Bajame është emollient dhe hidratues natyral, ideal për lëkurë të thatë.
  • Neem; bimë me veti të panumërta- antibakteriale, antimykotike, antiparazitare dhe anti-inflamatore.

Mrekullitë e Natyrës janë paketuar në çdo produkt Himalaya BabyCare. Pa përmbajtje Sodium Laurel Sufate (SLS), parabene, ftalate, vajra minerale etj, produktet Himalaya BabyCare nuk janë agresive mbi lëkurën delikate të bebit tuaj. Kështu që, herës tjetër bëj zgjedhje të zgjuar për bebin tuaj, zgjidh prekjen magjike të Natyrës.

Si ndikon stresi në shëndetin mendor dhe fizik

/in /by

Jeta sjell plot dukuri që s’mund të shmangen. Një dukuri e pashmangshme që ndikon drejtpërdrejt në shëndetin tonë mendor në një botë moderne dhe të vrullshme si kjo, është stresi. Ne të gjithë jemi të njohur me të dhe kjo nuk sjell argëtim me siguri. Dhe ndërsa ne të gjithë manaxhojmë stresin sipas mënyrës sonë, një gjë është e sigurt; të gjithë dëshirojmë që të kemi sa më pak stres!

Disa njerëz mendojnë se stresi është i gjithi në mendje, por në fakt preket dhe trupi gjithashtu. Sa herë që jeni të stresuar, trupi reagon. Për shembull, gjëndra mbiveshkore luan një rol të rëndësishëm në përgjigjen e trupit ndaj stresit. Njerëz të ndryshëm reagojnë ndryshe. Pra, edhe pse përballemi me situata unike çdo ditë, duhet të kemi parasysh se reagimi i trupit tonë ndaj stresit është gjithashtu shumë unik.

Pra, si ndikon shëndeti mendor në shëndetin tuaj të përgjithshëm?

Mendohet shpesh se shëndeti mendor dhe shëndeti trupor janë dy çështje të ndara. Megjithatë, Organizata Botërore e Shëndetësisë e përkufizon shëndetin si mirëqenie të plotë fizike, mendore dhe sociale. Trupi reagon në mënyrën se si ndiheni, veproni apo mendoni. Kjo është arsyeja pse shpesh ndiheni fizikisht të parehatshëm pas një ngjarjeje stresuese. Keni dëgjuar ndonjëherë fraza, “kam si flutura në bark?” Stresi nxit reaksione fizike të dukshme. Stresi mendor dhe emocional shkakton ndryshime të nivelit të energjisë fizike si dhe ndikon në marrëdhëniet tona shoqërore.

Çfarë duhet të bëj për të patur një mendje dhe trup të shëndetshëm?

Hapi i parë për të menaxhuar shëndetin tuaj mendor dhe stresin është të dish se pse përjetoni këto ndjenja negative. Gjetja e shkaktarit kryesor ju ndihmon të jeni më të vetëdijshëm se pse ndiheni në atë mënyrë.

Disa këshilla për nxitjen e shëndetit mendor pozitiv.

  • Të jetosh një jetë të ekuilibruar mes punës dhe shtëpisë
  • Ushqimi me një diete të ekuilibruar, të shëndetshme
  • Ushtrime fizike rregullisht
  • Rutinë të gjumit në mënyrë të shëndetshme
  • Përdorni metoda relaksimi për të qetësuar mendjen dhe trupin tuaj

Përveç këshillave të mësipërme për përshtatjen dhe reagimin ndaj stresit, formula e Mentat nga Himalaya Herbal Healthcare ndihmon njerëzit të përshtaten në situata të ngjashme çdo ditë.

A e dimë kuptimin e mirëfilltë të fjalës detoks?

/in /by

Fjala “detoks” është keqpërdorur aq shumë, shpesh sinonim i premtimeve qesharake, aqsa e ka humbur kuptimin e mirëfilltë. Dhe kjo është një fatkeqësi. Ka shumë njerëz që mund të përfitojnë nga programi i detoksit të trupit të tyre, por zhgënjimet nga premtimet e programeve  të ashtuquajtura “humbje të shpejtë të peshës” apo lëngjet “mrekullibërëse” i kanë shndërruar njerëzit në konfuzë dhe mosbesues, dhe me të drejtë. Gjëja e parë e rëndësishme në lidhje me detoks është se jo të gjithë kanë nevojë për të. Nëse ushqeheni shëndetshëm dhe pastër, përdorni shumë fruta dhe perime, mishin në mënyrë racionale, dhe nëse keni mundësi, shumë ajër të pastër, stërvitje dhe ujë, ka shumë të ngjarë që nuk do të keni nevojë të lexoni më tej. Por kjo ndoshta është më e lehtë në të thënë sesa në të bërë.

Kush ka nevojë për detoks?

Ju keni! (Nëse ndonjë nga këto pika ju tingëllon e njohur):

  • Vështirësi të përqendrimit herë pas here.
  • Kapsllëku i rastësishëm ose diarre të papritura.
  • Raste të pagjumësisë ose të gjumit të tepërt.
  • Mbiushqyerja e pavetëdijshme.
  • Lodhje ose marrje mendsh edhe pas një pushimi të mjaftueshëm.
  • Ndjesia e fryrjes disa orë pas vaktit.
  • Nevojë e tepruar për shumë kafe ose shumë pije energjike gjatë ditës.

Programi i detoksifikimit jo domosdoshmërisht do t’i largojë të gjitha këto pika, por nëse e gjeni veten sadopak në listën e mësipërme, është një shenjë e qartë që mund t’ju duhet të kujdeseni më shumë për trupin tuaj dhe të gjeni mënyra të reja për ta mbështetur atë, duke përfshirë detoksin.

Detoksifikimi (i quajtur edhe biotransformimi) është një proces shumë kompleks biokimik që ndodh kryesisht në mëlçi, veshka dhe mushkëri, megjithatë çdo qelizë në trupin tuaj ka të paktën disa kapacitete për detoksifikim.

Fakti që trupi ynë ka kaq shumë mënyra për të detoksifikuar është një shembull i qartë se me sa toksina përballemi çdo ditë. Sa më shumë mënyra të kemi për t’i hequr ato, aq më mirë!

Në pak fjalë, procesi i detoksit është një detyrë e vazhdueshme për largimin e një toksine nga trupi duke hequr ose  shtuar një përbërës kimik. Pavarësisht nga ekuacioni, kjo detyrë kërkon punë nga organet e detoksit.

Kjo mund të tingëllojë e thjeshtë por është me të vërtetë një zinxhir i ndërlikuar dukurish dhe ndërveprimesh që ndodhin 24 orë çdo ditë, që nga momenti kur lindim deri në momentin kur largohemi nga kjo jetë.

Pra, herën tjetër kur dikush ju tregon për detoks me kite “magjike”, apo lëngje “mrekullibërëse”, ata janë duke folur në njëfarë mënyre përralla. Detoksi është diçka që trupi ynë bën ditëpërditë, të gjitha vetë, gjatë gjithë jetës. Më e mira që mund të bëjmë është ta mbështesim atë.

Ju tashmë e dini se mënyra më e mirë për detoksin është me anë të dietës.

  • Konsumi i ushqimeve organike kur të jetë e mundur.
  • Ulja e konsumit të mishit.
  • Hani më shumë fruta dhe perime të errëta. Ata rritin antioksidantët.
  • Pini ujë në vend të pijeve me bazë sode. Kufizo alkoolin në 2-3 pije në javë.

Çfarë tjetër, përveç ushqimeve dhe pijeve?

Pastroni lavamanet dhe pajisjet e pastrimit. Sendet që përdorim në kuzhinë dhe banjo na ekspozojnë ndaj toksinave të panevojshme gjatë gjithë kohës.

Dhe mund të tingëllojë pak e çuditshme, djersit sa më shumë. Djersa është një rrugë e rëndësishme për detoks.

Nëse zgjidhni shtesa ushqimore, përqendrohuni tek ato që mbështesin organet specifike përgjegjëse për detoksin.

Mëlçia

Është centrali i trupit të njeriut. Nuk ka jetesë pa të. Ajo kryen 500 funksione biokimike, jo vetëm detoks, kështu që ajo nuk duhet të mbetet prapa me detyrat e saj, veçanërisht nëse ju e lodhni duke pirë alkool gjatë një nate intensive.

Ushqeje atë me bimë që ajo pëlqen: Njëmijëfletëshi, Arjuna, Kaperi, Çikore janë të gjitha bimë që gjenden tek Liv.52

Veshkat

Veshkat filtrojnë ujin dhe lëndët e panevojshme nga gjaku juaj dhe e kthejnë atë në urinë, dhe kthejnë gjakun e pastër në trupin tuaj. Gjithashtu balancon elektrolitet në gjak. Ato gjithashtu mbajnë vëllimin e lëngjeve ekstracelulare në kontroll.

Veshkat parapëlqejnë bimë si Tribulus, lulet me gjemba, Indian Madder ose Cyperus që gjenden tek Cystone.

Mushkëritë

Gjatë frymëshkëmbimit, mushkëritë kapin oksigjenin nga atmosfera dhe e futin në qarkullimin e gjakut. Për fat të keq, ato gjithashtu futin dhe gazrat nga trafiku, poleni nga pranvera dhe mbidoza toksike e parfumeve.

Mushkëritë pëlqejnë Wax Tree, Ginger dhe Malabar Nut Tree.

Gjaku

Si mbarten lëndët ushqyesve në qelizat tuaja? Po oksigjeni? Gjaku fut në qarkullim lëndët e nevojshme, dhe largon ato të panevojshme. Transporton mbetjet metabolike të çdo qelize dhe i kthen ato përsëri në mëlçi dhe veshka për filtrim. Gjaku mund t’a quajmë një lumë virtual i riciklimit.

Ruaje me Triphala, Shafranin e Indisë dhe Indian Tinospora, vetëm për të përmendur disa.

Lëkura

Ayurveda mendon se çdo problem me detoksin ose tretjen do të shfaqet më parë në lëkurë, kështu që le të vlerësojmë më shumë organin më të madh të trupit tonë. Keni shtatë shtresa të lëkurës për t’ju mbrojtur toksinat dhe për t’i nxjerrë ato.

Përdorni për lëkurën bimë të tilla si Neem, Triphala dhe Shafranin e Indisë.

Detoksi nuk është diçka që ju bëni për një ditë dhe jeni mirë për gjithë vitin. Detoksi i zgjuar, i duhur ndodh gjatë gjithë ditës, çdo ditë të jetës suaj. Mbështetni detoksin fiziologjik të trupit tuaj, në mënyrë të vazhdueshme, me mençuri dhe gjatë gjithë jetës ..

 

A e dini se 1 në 10 individë mund të zhvillojë gurë në veshka përgjatë jetës?

/in /by

5 mënyra parandalimi të gurëve në veshka:

  • Mos e nënvlerëso djersitjen e tepërt. Palestrat, saunat, aktivitetet fizike nga më të ndryshmit janë të dobishme për shëndetin, por ato mund të çojnë në krijimin e gurëve në veshka. Si? Humbja e ujit nëpërmjet djersitjes (nga aktivitetet fizike apo nga nxehtësia e stinës së verës) çon në prodhim më të ulët të urinës. Sa më shumë djersitni, aq më pak urinoni. Kjo lejon që mineralet gurëformuese të bashkohen dhe lidhen në veshka  dhe traktin urinar.

Çfarë të bësh: Hidratohu me ujë. Një nga masat më të mira për evitimin e krijimit të gurëve në veshka është të pini sa më shumë ujë. Kështu do të urinoni më shumë. Sigurohuni që të keni gjithmonë ujë, sidomos gjatë ushtrimeve fizike apo aktiviteteve të ndryshme ku djersitja është e madhe.

  • Nuk ndikon vetëm oksalati. Çfarë oksalati? Oksalati gjendet në shumë ushqime; fruta, zarzavate, fara dhe fruta të thata, legume, çaj dhe çokollatë. Nivele të larta të oksalatit përmbajnë kikirikët, spinaqi, rrepa, çokollata dhe patatet e ëmbla. Ngrënia e moderuar e këtyre ushqimeve vlen për individë që kanë tendencë të zhvillojnë gurë me bazë oksalatkalciumi. Mendimi se të ushqyerit me ushqime që nuk përmbajnë oksalate nuk krijon gurë renalë është i gabuar. Ndërsa teorikisht mund të jetë e vërtetë, ky mendim nuk është i goditur parë nga perspektiva shëndetësore. Shumica e gurëve në veshka formohen kur oksalati lidhet me kalciumin gjatë prodhimit të urinës nga veshka. Si mendoni, a do jetë më mire që kalciumi dhe oksalati të lidhen në stomak dhe zorrë?

Çfarë të bësh: Ha dhe pi ushqime të pasura me kalcium dhe oksalate së bashku gjatë vaktit. Duke vepruar kështu, kalciumi dhe oksalati lidhen në stomak dhe zorrë para se të arrijnë në veshka duke shmangur kështu krijimin e gurëve.

  • Armiku nuk është vetëm kalciumi. Me shumë gjasa nga vetë emri, shumë janë të mendimit se kalciumi është shkaktari kryesor tek gurët me bazë oksalatkalciumi. Ka shumë pacientë që habiten se si u janë krijuar gurë përsëritës edhe pse kanë ndërprerë ushqimet e pasura me kalcium. Ka dhe mjekë që këshillojnë pacientët e tyre të reduktojnë marrjen e kalciumit. Një dietë e varfër me kalcium në fakt rrit riskun e zhvillimit të gurëve në veshka.

Çfarë të bësh: Mos redukto kalciumin. Mendo të reduktosh natriumin (kripën) në dietë dhe të ushqehesh njëkohësisht si me ushqime me përmbajtje oksalati, ashtu edhe me ato me përmbajtje kalciumi.

  • Nuk ka vetëm një dhe kaq. Dalja e gurit nga veshka shpesh përshkruhet si eksperienca më e dhimbshme që një person mund të ketë kaluar, por fatkeqësisht, kjo nuk ndodh vetëm një herë. Studimet tregojnë që edhe pse mund të ketë vetëm një gur, shanset për të pasur një tjetër më vonë janë të mëdha. Shumë individë janë gati të bëjnë gjithçka që vetëm kjo mos të ndodhë përsëri. Individët me kalkuloza jo gjithmonë ndjekin këshillat e nefrologëve dhe urologëve. 15% e pacientëve nuk marrin mjekimin, 40% e tyre nuk ndjekin këshillat e ushqyerjes.

Çfarë të bësh: Vepro! Pa mjekimet e duhura dhe përshtatjet e dietës, formimi i gurëve rikthehet dhe kjo mund të jetë një shenjë e ndërlikimeve të tjera.

  • Jo të gjithë gurët krijohen njësoj. Përveç gurëve me bazë oksalatkalciumi, një tjetër lloj guri është edhe ai me bazë acidi urik. Mishi i kuq, mishi i organeve të brendshme kanë përqëndrime të larta të një përbërësi kimik të quajtur purinë. Marrja e sasive të mëdha të purinës çon në prodhim të tepërt të acidit urik. Veshkës i duhet të ekskretojë sasi më të mëdha të acidit që do të çojë në uljen e pH të urinës, që do të thotë urina është më acidike. Përqëndrimi i lartë acidik në urinë e bën më të lehtë krijimin e gurëve me bazë acidi urik.

Çfarë të bësh: Për parandalimin e këtyre gurëve, mos konsumo ushqime me përmbajtje të lartë purinash si mishi i kuq, mishi i organeve të brendshme dhe ndiq një dietë të shëndetshme me fruta, zarzavate, drithëra dhe produkte me përmbajtje të ulët yndyrnash. Redukto sheqerin dhe pijet me sheqer. Redukto alkoolin sepse alkooli rrit nivelet e acidit urik në qarkullimin e gjakut. Reduktimi i proteinave shtazore dhe konsumimi i më shumë frutave dhe zarzavateve ndihmon në uljene e aciditetit të urines dhe si rrjedhojë shansi për t’u formuar guri do të jetë i ulët.

Cystone™ ndihmon në espulsin, shkrirjen e gurëve në veshka nga trakti urinar. Cystone™ parandalon rikrijimin e tyre pas litotripsisë apo ndërhyrjeve kirurgjikale në veshka. Cystone™ indikohet në kristaluri, si ndihmës në infeksionet kronike të traktit urinar, uretriti jospecifik ku përfshihet disuria (urinim i dhimbshëm apo prezenca e gjakut në urinë), djegie e urinës dhe hiperuricemi (guta).

Hemorroidet, pohimet e sakta dhe të pasakta rreth tyre

/in /by

Hemorroidet, shkaqet e tyre:

Edhe pse shumica e pacientëve diagnostikohen me hemorroide pas moshës 30 vjeç, e vërteta është se hemorroidet janë të përhapura më shumë nga ç’mendojmë. Shkaqet kryesore të kësaj gjendje janë:

  • Konstipacioni kronik
  • Diarrea kronike
  • Shtatzania dhe lindja
  • Obeziteti
  • Të ulurit për një kohë të gjatë
  • Ngritja e peshave të rënda
  • Mosha

Më poshtë janë renditur disa pohime të sakta dhe të pasakta rreth tyre:

  • E pasaktë: -Mjafton të shfaqen njëherë hemorroidet, dhe ato do të jenë një problem që do të ripërsëritet gjithmonë.

E saktë: Kjo nuk ndodh gjithmonë, veçanërisht tek personat që zhvillojnë hemorroide për shkak të një situate të përkohshme si shtatzania, lindja apo shtrëngimi për stimulimin e zbrazjes së zorrës etj. Shumica e trajtimeve të hemorroideve janë efikase, por për të parandaluar përsëritjen e tyre duhet të kemi një dietë të pasur me fibra, fruta dhe shumë lëngje për zbutjen e feçeve.

  • E pasaktë: Vetëm të moshuarit zhvillojnë hemorroide.

E saktë: Edhe pse është e vërtetë se rreth gjysma e individëve kanë zhvilluar hemorroide në moshën 50 vjeçare, mosha e madhe nuk është shkaku kryesor i hemorroideve. Faktorë risku të tjerë janë shtatzania, konstipacioni kronik (kapsllëku), obeziteti etj. Individët e moshuar që kanë tendencë të zhvillojnë hemorroide duhet të ndjekin disa hapa të thjeshtë: të paktën 8 gota ujë në ditë, dietë e pasur me fibra dhe fruta, zarzavate, drithra, shmangia e pozicioneve ulur për një kohë të gjatë, shtrëngime të panevojshme, pesha të rënda etj.

  • E pasaktë: -Hemorroidet nuk janë të shpeshta dhe kaq të sikletshme.

E saktë: Në fakt, hemorroidet janë të shpeshta si në burra, ashtu edhe në gra, dhe gati gjysma e njerëzve zhvillojnë hemorroide gjatë jetës së tyre. Hemorroidet janë shumë të sikletshme dhe të dhimbshme.

  • E pasaktë: -Hemorroidet janë të vështira për t’u trajtuar.

E saktë: Ka shumë mënyra për të trajtuar hemorroidet, nga ato minimale në kushte shtëpiake deri tek mjekimet efikase apo dhe procedurat kirurgjikale. Të gjitha trajtimet me barna janë relativisht të lehta dhe pa dhimbje.

  • E pasaktë: -Hemorroidet rrisin riskun e kancerit kolonorektal.

E saktë: Nëse një person dyshon se ka hemorroide, është shumë e rëndësishme një vizitë tek mjeku për të përjashtuar çdo ndërlikim serioz. Megjithatë, zhvillimi i hemorroideve në asnjë mënyrë nuk është tregues i një risku për kancer.

  • E pasaktë: -Ata që kanë dietë të pasur me fibra nuk duhet të shqetësohen për hemorroidet.

E saktë: Edhe pse konsumi i fibrave është një nga mënyrat e parandalimit të zhvillimit të hemorroideve, ajo nuk është e vetmja mënyrë. Zakonet e përdorimit të tualetit influencojnë shumë në zhvillimin e hemorroideve. Shmang qëndrimin ulur për një kohë të gjatë në tualet, shtrëngimin gjatë defekimit etj. Përveç konsumit të fibrave, 8 gota ujë në ditë janë thelbësore.

Trajtimi i hemorroideve dhe variçeve me Pilex

Kombinimi i Pilex tableta dhe Pilex pomadë redukton me efikasitet përmasat hemorroidale, përmirëson simptomat (dhimbje, gjakrrjedhje, prurit), si dhe korigjon konstipacionin kronik që shpesh
shoqëron rastet hemorroidale. Mekanizmi i veprimit të Pilex tableta dhe pomadë është kompleks. Ekstraktet bioaktive të Pilex shfaqin
veti të fuqishme anti-inflamatore dhe analgjezike. Vetitë antioksidante mbrojnë nga dëmtimi i radikaleve të lira si dhe tonifikojnë paretet venoze. Bioflavonoidet (rutina, kuercetina, hesperidina) të kombinuara me vitaminën C ruajnë strukturën normale të kolagjenit, forcojnë tonusin e pareteve venoze dhe rregullon përshkueshmërinë kapilare. Veprimi antibakterial parandalon infeksionet, kurse veprimi hemostatik ndihmon në ndalimin e hemorragjive hemorroidale. Veprimi antihistaminik redukton pruritin rreth anusit, ndërsa veprimi cikatrizues përshpejton shërimin. Veprimi laksativ i përbërësve korrigjon konstipacionin kronik të lidhur me hemorroidet.